இயற்கையோடு இயைந்த வாழ்வால் வான்புகழ் கொண்டுத் திகழ்ந்தது நம் பண்டையத் தமிழர் இனமாகும். இங்கே உண்பதும், உடுத்துவதும், பக்தியும், பண்டிகையும், இறையும், இலக்கியமும், கலையும், கவிதையும், வீரமும், விளையாட்டும்  என்று யாவுமாகி நின்று அழகு செய்தவள் நம் இயற்கை அன்னையே! சங்க காலத்தில் மட்டுமல்ல. ஒரு இருபது ஆண்டுகளுக்கு முந்தைய உங்கள் கிராமங்களை நினைத்துப் பாருங்கள்.

        பூவரசு இலைகளில் ‘பீப்பி’, நுங்கு கூந்தலில் தள்ளுவண்டி, பத்து பைசாவுக்கு பம்பர மிட்டாய், வயல் வரப்புகளில் ஓடிப்பிடித்து, வாழைத் தோப்புகளில் திருடன்-போலிஸ் என்று அங்கே விளையாட்டுக்கு கூட இயற்கை இல்லாமலில்லை. பிறந்த குழந்தையின் தொட்டிலிருந்து கடைசியில் கிடத்தும் கட்டில் வரையிலும் இயற்கை என்றிருந்த நிலை மாறி இன்று எங்கும் பிளாஸ்டிக்! எதிலும் பிளாஸ்டிக்! என்றாகிவிட்டது. விலையோ குறைவு. உற்பத்தி செய்வது எளிது. இன்றைய உலகின் அன்றாடத் தேவையை ஈடுசெய்ய இதற்கு மாற்று எதுவுமில்லாத சூழலில் எங்ஙனம் பிளாஸ்டிக் இயற்கையின் பகைவன் ஆனது என்பதையும், இத்தகைய பிளாஸ்டிக் மற்றும் பயன்படுத்தப்பட்ட டயர்களை எரிப்பது இயற்கைச் சூழலை எங்ஙனம் பாதிக்கின்றது என்பதையும் இக்கட்டுரையில் காண்போம்.

நெகிழியின் பிறப்பு

     தமிழில் நெகிழி என்று அழைக்கப்படும் பிளாஸ்டிக் என்பது ‘பிளாஸ்டிக்கோஸ்’ என்னும் கிரேக்கச் சொல்லிலிருந்து வருகிறது. வார்க்கத் தக்க அல்லது பிசைவு கொள்ளத் தக்கப் பொருள் என்று இதனை வரையறுக்கலாம். தொடக்கக் காலத்தில் விலங்குகளின் நகங்கள், குளம்புகள், ஆமை ஓடுகள், சில வண்டு, பூச்சிகளில் இருந்து ‘செராடின்’ என்ற நெகிழியானது செய்யப்பட்டன. பின்னர் எவ்வாறு பிளாஸ்டிக்கானது முழுக்க முழுக்க செயற்கை வேதி மூலங்களிலிருந்து தயாரிகக்கப்படுகின்றன என்பதை கீழ்வரும் காலக்கோடு மூலம் அறிந்து கொள்ளமுடியும்.

• பிளாஸ்டிக் முதன் முதலில் 1862 -ல் லண்டனைச் சேர்ந்த அலெக்சாண்டர் பார்க்ஸ் என்பவரால் செல்லுலோஸ் என்ற பொருளில் இருந்து தயாரிக்கப்பட்டு லண்டன் கண்காட்சியில் காட்சிக்கு வைக்கப்பட்டது. இதற்கு அவர் ‘பார்க்ஸ்டைன்’ என்ற பெயரிட்டார். 
• பில்லியார்ட்ஸ் பந்துகள் செய்ய தந்தங்களுக்காக யானைகள் கொல்லப்படுவதைத் தடுக்க 1869 -ல் ஜான் ஹயாத் என்பவர் செல்லுலோஸ் என்ற மாற்றுப் பொருள் ஒன்றை உருவாக்கினார். பிறகு மரப்பட்டை, நைட்ரிக் அமிலம், கற்பூரம், பசை ஆகியவை கொண்டு செல்லுலாய்டு என்ற பிளாஸ்டிக் உருவானது. 
• 1907-ல் லியோ பேக்லாண்டு என்பவர் மின் சுவிச்சுகள் செய்ய செயற்கை வேதிப் பொருள்கள் கொண்டு பேக்லைட் என்ற பொருளை உருவாக்கினார். முதல் உலகப் போரில், டுபாண்ட் என்னும் அமெரிக்க நிறுவணம் வெடி பொருள் பிளாஸ்டிக்; தொழிற்சாலையைத் தொடங்கி மேலும் வளர்ந்து பல நெகிழிப் பொருள்களை உருவாக்கியது.  
• 1933-ல் பாசெட் மற்றும் கிப்ரான் ஆகியோர் உருவாக்கிய பாலிதீன் அதாவது பாலி எத்திலீன், இரண்டாம் உலகப் போரில் ஒரு புரட்சியை ஏற்படுத்தி இன்று வரை மிக அதிகமாகப் பயன்படுத்தும் பொருளாகவும் பல சிக்கல்களை உருவாக்கும் பொருளாகவும் இருந்து வருகிறது.

நெகிழியின் வகைகளும், பயன்களும்

வெப்பத்தால் எற்படும் மாற்றங்களுக்கு ஏற்ப நெகிழிகளில் இரு பிரிவுகள் உண்டு. அவை முறையே இளகும் வகை, இறுகும் வகை என்பனவாகும்.

1.வெப்பத்தால் இளகி, குளிர்வித்தால் இறுகி பின் எத்துனை முறையும் இவ்வாறு மாற்றி மாற்றி செய்யமுடியக்கூடிய நெகிழி இளகும் வகை நெகிழி ஆகும். இவை மறு சுழற்சி செய்யக் கூடியவை. அவற்றின்  பெயர்களையும், பயன்பாடுகளையும் இங்கே காண்போம்.

• செல்லுலாயிட்: எளிதில் தீப்பற்றக் கூடியது. விளையாட்டுப் பொருள்கள், தகடுகள் செய்யவும் பயன்படுகிறது.
• பாலி புரோப்பிலின்:  கொதி நீரில் உருமாற்றம் அடையாததால் பால் புட்டிகள், ஆரோக்கியப் பொருள்கள், குப்பிகள் ஆகியவை செய்யவும், இலேசாகவும் பலமிக்கதாகவும் உள்ளதால் நீர்பாய்ச்சும் குழாய்கள்,கயிறுகள் ஆகியவை செய்யவும் பயன்படுகின்றன.
• பாலிவினைல் குளோரைடு:  மணமற்ற நிறமற்ற இளகும் நெகிழியாகும். மின்கம்பிகளில் இன்சுலேட்டர்கள், நீரேற்றும் குழாய்கள் ஆகியவை செய்யப் பயன்படுகிறது.
• பாலிவினைல் அசிட்டேட்:  வண்ணப் பூச்சுகள் ஒட்டும் பசைகள் ஆகியவை பெருமளவில் தயாரிக்கப் பயன்படுகிறது.
• வினைல் : டெரிலின் இழை போலவே இதில் இழைகள் தயாரிக்கலாம். இவ்விழைகள் சுருங்காது. தூசி படியாது. அழுக்கை எளிதில் நீக்கலாம். வண்ணமேற்றலாம். இவற்றிலிருந்து ஆடைகள் தயாரிக்கிறார்கள்.
• அக்ரிலிக்: நிறமற்றது. ஒளிபுகக் கூடியது. கண்ணாடிக்கு மாற்றுப் பொருளாகவும், இயந்திரம், கட்டிடப் பொருள்கள் செய்யவும் பல்வேறு சாதனங்களிலும் பயன்படுகிறது. இதனை நாம் மீன் தொட்டி செய்ய பயன் படுத்தலாம்
• செல்லுலோஸ் அசிட்டேன்: இதனுடன் வண்ணம் சேர்த்து பெருமளவில் மோட்டார் தொழிலில் தேவையான பல பொருள்களைச் செய்கின்றனர்.
• ஈதைல் செல்லுலோஸ்: பொருள்கள் மீது மேல் பூச்சு அமைக்கவும், புகைப்படத் தகடுகள் செய்யவும் பயன்படுகிறது. 

2.இளக்கிப் பின் மீண்டும் இறுகிய பின், மீண்டும் வெப்பப்படுத்தி இளக்க முடியாத, மீளாத நெகிழி இறுகும் நெகிழி ஆகும். இது எளிதில் நொறுங்கக் கூடியது. இது இளகும் வகையை விட தரம் குறைந்தவையாகக் கருதப் படுகின்றன. அவற்றின் சில எடுத்துக்காட்டுக்களை கீழே காண்போம்.

• ஆல்கைடு ரெசின் : பொருள் வெப்பம், ஈரத்தால் பாதிக்கப்படாதது. மின்சாரம் கடத்தாது. உறுதியானது. கடினமானது. ஒளி புகும். எனவே விமானம், மொட்டார் பாகங்கள், தகடு, குழாய்கள், தண்டுகள், இன்சுலேட்டர்கள் போன்றவை செய்யப் பயன்படுகிறது.
• மெலமின் ரெசின் : இது எளிதில் தேயாது மின்சாதன பாகங்கள் (குறிப்பாக மின்விசிறி) செய்யப் பயன்படுகிறது.
• பீனாலிக் ரெசின் : மலிவு விலை மின்சுவிச்சுகள், பலகைகள், தொலைபேசிகள் செய்யப் பயன்படுகின்றது.

இவ்வாறு விலை மிகவும் மலிவாகவும், அனைவரையும் கவரும் பல வகை நிறங்களிலும், காற்று, நீர், ஈரம் இவற்றால் பாதிக்கப் படாமலும், மின்கசிவு ஏற்படாமலும் இருப்பதால் நெகழியானது நம் அன்றாட வாழ்வில் ஒரு அங்கமாகவே மாறிவிட்டன.

நாம்  அனைவருமே ஏற்கனவே அறிந்ததுதான். நெகிழிப் பொருள்கள் எளிதில் அழிவதில்லை. சராசரியாக ஒரு பாலித்தீன் பையின் பயன்பாட்டுக் காலம் 12 முதல் 20 நிமிடங்களே என்றும் அவை அழிய 1000 ஆண்டுகளுக்கும் அதிக காலம் பிடிக்கும் என்றும் ஒரு ஆய்வு கூறுகிறது. பயன்பாடற்ற ஒரு நச்சுவேதிப் பொருளின் நெடிய ஆயுட்காலம் என்பது இயற்கையின் நியதிக்கு மிகமிக ஆபத்தான முரண்பாடாகும். அதிலும் நெகிழியின் அதிகப்படியான பயன்பாட்டின் காரணமாக இவை கற்பனைக்கெட்டாத அளவில் உற்பத்தி செய்யப்படுகின்றன. எதிர்கால சந்ததிகளையும், மானுடரல்லாத பிற உயிர்களையும், இயற்கைச் சூழலையும் பற்றிய அக்கறையற்ற சுயநலமே இன்றைய நிலையாக இருக்கின்றது. மறுசுழற்சி என்பதும் பெரிதும் பயன்தரப் போவதில்லை. ஏனென்றால் நெகிழிப் பொருட்களில் 10 சதவீதப் பொருள்களே மீண்டும் பயன்படுத்தத் தக்கவையாக இருக்கின்றன. மற்ற 90 சதவீதப் பொருட்களும் வீணே எரிக்கப்பட்டுவிடுகின்றன. ‘இன்சினரேசன்’ என்னும் கருவி இப்போது நெகிழிக் குப்பைகளை எரிக்கப் பயன்படுகிறது. அவையும் டையாக்சின் என்ற நச்சுப் புகையைத்தான் கூடுதல் தீமையாகத் தருகின்றன. மறுசுழற்சி, கழிவு மேலாண்மை போன்றவை பயனற்றவையாகவே கருதப்படுகின்றன.

• தொழிற்சாலைகளில் இவை மறு சுழற்சி செய்யப்படும் போதும், எரிக்கப்படும் போதும்  வெளியேறும் வாயுக்கள் நச்சுத் தன்மை உடையதாக இருப்பதால், அருகிலுள்ள மக்களின் உடல்நலனாது பெரிதும் பாதிப்புக்குள்ளாகிறது. தோல்நோய், புற்று நோய், ஒவ்வாமை, மூச்சுக் குழாய் பாதிப்பு, குடல் புண், செரிமானமின்மை, நரம்புத்தளர்ச்சி, ரத்த, சிறுநீரகச் செயல் குறைபாடு, நோய் எதிர்ப்பு ஆற்றல் குறைவு போன்றவை ஏற்படக் கூடும் என ஆய்வுகள் கூறுகின்றன.
• பாலித்தீன் பைகள் கால்வாய்களில் அடைத்துக் கொள்வதால் நீர் வழிகள் அடைபட்டு மழைக் காலங்களில் வெள்ளப் பெருக்கு போன்ற அபாயங்கள் ஏற்படுகின்றன. நீர் தேங்கி கொசுக்கள் உற்பத்தியாகி டெங்கு, சிக்குன் குனியா போன்ற நோய்கள் பரவுகின்றன. நிலத்தடி நீர் பெருகுவதைத் தடுக்கின்றன.
• மனிதர் உண்டுவிட்டு கீழே போடும் நெகிழிப் பைகளைத் தின்னும் விலங்குகளின் உணவுக் குழாய்கள் பாதிக்கப்பட்டு அவைகள் இறக்க நேரிடுகின்றன.
• மட்காத நெகிழிப் பொருள்கள் வேளாண் நிலங்களில் தங்கி அதன் வளத்தைக் குறைத்து நஞ்சாக்குகிறது. பயிர் வளர்ச்சியையும் பாதிக்கிறது.
• கடலில் எறியப்படும் நெகிழிப் பொருள்கள் கடல்வாழ் உயிரினங்களுக்கும், வனப்பகுதியில் எறியப்படுபவை வனவாழ் உயிரினங்களுக்கும் தீங்கு விளைவித்து பல்லுயிர் பெருக்கச் சூழலைப் பெரிதும்பாதிக்கின்றன
  
  வாகனப் பெருக்கம் நாம் நினைத்துக் கூடப் பார்க்க இயலாத அளவிற்கு அதிகரித்துவிட்டது. மக்கள் கல்வி, பணி நிமித்தமாக தினசரி பயணிக்க வேண்டியத் தேவையும், தரமில்லாத பொதுப் போக்குவரத்துச் சேவையும் தனியார் வாகனப் பெருக்கத்தை இன்றியமையாததாகச் செய்துவிடுகின்றன. தமிழகம் முழுவதும் 70 வட்டாரப் போக்குவரத்து அலுவலகங்கள் உள்ளன. ஒரு வட்டாரப் போக்குவரத்து அலுவலகத்துக்கு ஒரு நாளைக்கு சராசரியாக 100 வாகனங்கள் என வைத்தால், ஒரு நாளைக்கு 7 ஆயிரம் புதிய வாகனங்கள். 20 வேலை நாள்கள் என கணக்கிட்டால் கூட, ஒரு மாதத்தில் 1,40,000 புதிய வாகனங்கள் தமிழகச் சாலைகளில் உலா வரத் துவங்குகின்றன. வாகனப் பெருக்கத்தின் விளைவாக காற்று மாசுபடுவதோடு, புவி வெப்பம் அதிகரிப்பதோடு, இன்னொரு தலைவலியாக பயன்படுத்தப்பட்ட டயர்கள் ஒவ்வொரு நாளும் மலை போலக் குவிந்து விடுகின்றன.
  
  டயர்களும் இயல்பிலேயே அழிவதற்கு நிறைய காலம் எடுத்துக் கொள்கின்றன. அத்தோடு மறுசுழற்சியும் பெரிய பயன்தருவதற்குப் பதிலாக சுற்றுச்சூழல் மாசு என்னும் தீய விளைவையேக் கொண்டிருக்கின்றன. டயர்கள் தயாரிப்பில் பயன்படுத்தப்படும் துத்தநாகம், குரோமியம், ஈயம், செம்பு, கேட்மியம் மற்றும் சல்பர் போன்ற வேதிப் பொருள்கள் மிகவும் நச்சுத் தன்மை வாய்ந்தவையாகும். இவை எரிக்கப்படும்போது காற்று மாசுபடுவதால் தோல் நோய்கள், நுரையீரல் தொடர்பான பிரச்சனைகள், புற்றுநோய் போன்றவைகள் ஏற்படுக் காரணமாகின்றன.
  
  பழைய டயர்கள் பெரும்பாலும் காகிதம், சிமென்ட் போன்ற தொழிற்சாலைகளில் மாற்று எரிபொருளாகப் பயன்படுத்தப் படுகின்றன. போகி, தீபாவளி போன்ற பண்டிகைகளின் போதும், கிளர்ச்சி போராட்டங்களின் போது தங்கள் எதிர்ப்பைக் காட்டவும் எரிக்கப்படும் டயர்கள் சுற்றுச்சூழலைப் மிகவும் மாசுபடுத்துகின்றன. பூமியில் புதைக்கப்படும் டயர்கள் நாளடைவில் பல்வேறு ரசாயனங்களை வெளியிடுவதால் நிலத்தடி நீர் மாசுபடுவதோடு, மண்வளத்தையும் கெடுத்துவிடுகின்றன.

நம் சமூகத்தில் பிளாஸ்டிக் பொருட்களின் பயன்பாடு தற்போது கட்டுக்கடங்காமல் அதிகரித்து வருகிறது. பிளாஸ்டிக் பைகள் இல்லாமல் இன்று எந்த மூலை முடுக்கிலும் வர்த்தகம் நடைபெறுவதில்லை. அன்றாடம் வீடுகளில் சேரும் கழிவு மற்றும் குப்பைகளில் பிளாஸ்டிக்கின் பங்கு சரிபாதியாக உள்ளது. சுற்றுச்சூழல் பாதுகாப்புக்கு இது பெரும் அச்சுறுத்தலை ஏற்படுத்தியுள்ளது. உலக வெப்பமயம் தற்போது பூதாகரமாக உருவெடுத்துள்ள இந்த சூழ்நிலையில், பிளாஸ்டிக் பொருட்களை முற்றிலுமாக தவிர்ப்பதற்கு பொதுமக்கள் முன்வர வேண்டும்.

    மனித சமூகத்தால் அன்றாடம் வெளியிடப்படும் கார்பன்-டை-ஆக்சைடு, மீத்தேன், கார்பன்-மோனோ-ஆக்சைடு, குளோரோ ஃப்ளோரோ கார்பன் போன்றவை வளிமண்டலத்தை அதிக அளவு மாசுபடுத்துகிறது. பிளாஸ்டிக் சார்ந்த கழிவுப் பொருள்களும் குப்பைகளும் கூட இதற்கு காரணமாக அமைகிறது.

இந்த நச்சு வாயுக்கள் ஓசோன் படலத்தைப் பாதிப்பதால் புவி வெப்பம் அடைந்து எதிர்காலத்தில் பனிமலைகள் உருகி கடற்கரை ஓர நகரங்கள் நீரில் மூழ்கும் அபாயம் ஏற்பட்டுள்ளது. இப்பொழுது புவி வெப்பம் அடைவதால் நமது எதிர்கால வாழ்வாதாரம் கேள்விக்குறியாகிவிடும் சூழ்நிலை ஏற்பட்டுள்ளது.

அண்மைக்காலமாக பிளாஸ்டிக் பொருள்களையும், பிளாஸ்டிக் குப்பைகளையும், பிளாஸ்டிக் உறைகளையும் மக்கள் எளிதாகக் கையாள்கின்றனர். சென்னையில் ஒருநாளில் மட்டும் வெளியேற்றப்படும் பிளாஸ்டிக் பொருள்களின் அளவு 1.86 லட்சம் கிலோவாகும். சென்னை, பெங்களூர், ஹைதராபாத் போன்ற நகரங்களில் தினமும் வெளியேற்றப்படும் அல்லது பொதுமக்களால் கொட்டப்படும் பிளாஸ்டிக் கழிவுப் பொருள்களின் அளவு நாள் ஒன்றுக்கு 200 டன் முதல் 250 டன் வரை என்பதைக் கேட்கும் போது நெஞ்சு வெடிக்கிறது.

ஒரு பிளாஸ்டிக் பொருள் மட்குவதற்கு ஆகும் காலம் 100 ஆண்டு முதல் 1,000 ஆண்டு வரை ஆகும். ஒரு பிளாஸ்டிக் பையானது மக்களால் சராசரியாகப் பயன்படுத்தப்படும் நேரம் வெறும் 20 நிமிடங்கள் மட்டுமே, ஆனால், அவை மட்குவதற்கு எடுத்துக்கொள்ளும் காலம் பல நூறு ஆண்டுகள்.
வீட்டு உபயோகப் பொருள்கள், விளையாட்டுப் பொருள்கள், அழகு சாதனப் பொருள்கள், வாகன உதிரி பாகங்கள், தகவல் தொழில்நுட்ப பொருள்கள், தொலைதொடர்பு சாதனப் பொருள்கள், கணினி பாகங்கள் போன்றவை அதிக அளவு பிளாஸ்டிக் பொருள்களால் தயாரிக்கப்படுகின்றன. இப்பொழுது பிளாஸ்டிக் பொருள்களின் பயன்பாடு அதிகரித்துக் கொண்டு வரும் வேளையில் பிளாஸ்டிக்குக்கு எதிரான போராட்டங்களும், எதிர்ப்புகளும், தடைகளும், அதிகரித்து வருகிறது. சுற்றுச் சூழல் வல்லுநர்களும் இயற்கை ஆர்வலர்களும் பிளாஸ்டிக்பொருள்கள் பயன்படுத்துவதால் ஏற்படும் விளைவுகளையும், தீமைகளையும், பாதிப்புகளையும் மக்களிடம் எடுத்துக் கூறி விழிப்புணர்வு ஏற்படுத்தி வருகின்றனர்.

ரொட்டி உறை, மிட்டாய் உறை, சாக்லெட் உறை, பேனாக்கள், எண்ணெய் பொருள்கள், கயிறுகள், டப்பாக்கள், டின்கள், மசாலை பொருள்கள், விளம்பரப் பதாகைகள் போன்றவை பிளாஸ்டிக்கினால் தயாரிப்பது முற்றிலும் தடை செய்யப்பட்டு அட்டை, அலுமினியப் பொருள்களால் தயாரிக்க அரசு நடவடிக்கை எடுக்க வேண்டும்.
ரூ. 100-ககும் மேல் மதிப்பு உள்ள பிளாஸ்டிக் பொருள்களை மட்டுமே வணிக நோக்கில் தயாரிக்க அனைத்து நிறுவனங்களும் முன்வர வேண்டும். உணவு நிறுவனங்கள், உணவகங்கள், பிளாஸ்டிக் உறைகளைத் தவிர்த்து அட்டை, அலுமினிய, சணல் பைகளையும் வாழை இலை முதலியவற்றையும் கட்டாயம் பயன்படுத்த வேண்டுமென நகராட்சி, மாநகராட்சி, பேரூராட்சி, ஊராட்சிகள் தீர்மானம்நிறைவேற்றி அதனை நடைமுறைப்படுத்த வேண்டும்.
பிளாஸ்டிக் பாட்டில்கள் பயன்படுத்துவதை முற்றிலும் தடை செய்து கண்ணாடி பாட்டில்கள், உலோபக பாட்டில்கள், மற்றும் அலுமினியப் பாட்டில்களையும் பயன்படுத்த நிறுவனங்களும், பொதுமக்களும் முன்வர வேண்டும்.

விழிப்புணர்வுக் கூட்டம், கருத்தரங்கு, போராட்டத்தினால் மட்டுமே பிளாஸ்டிக் குப்பைகளை ஒழித்துவிட முடியாது. அரசு கடுமையான டச்டம் இயற்றுவதன் மூலமும் பொது மக்களின் முழுமையான ஒத்துழைப்பு மூலமும் மட்டுமே பிளாஸ்டிக் பொருள்களையும் பிளாஸ்டிக் சார்ந்த குப்பைகளையும் நமது தேசம் முழுவதும் ஒழக்க முடியும். மாசு இல்லாத தேசமாக, உலக நாடுகளுக்கு முன்னோடியாக, விழித்த தேசமாய் எழுந்து நிற்போம்.

உலக மக்கள் தொகை நாளுக்கு நாள் அதிகரிப்பதால் குப்பைகளின் அளவும் அதற்கேற்றால்போல் அதிகரிக்கிறது. நவீன வாழ்க்கைமுறை மக்களை இலகுவாக தூக்கி எறியக்கூடிய பொருள்களான தண்ணீர் மற்றும் குளிர்பான குடுவைகள் ஆகியவற்றை அதிக அளவில் குப்பைகளாக உற்பத்தி செய்கின்றது. இதன்மூலம் சுற்றுச்சூழல் அதிக அளவில் மாசுபடுத்தப்படுகிறது. நெகிழியில் நச்சுத்தன்மை அதிகமாக இருப்பதால் இதன்மூலம் காற்று, நீர் மற்றும் நிலம் அதிக மாசடைகிறது.

அதிக அளவில் நெகிழிக்கழிவுகள் குறிப்பிட்ட இடத்தில் சேர்வது சுற்றுச்சூழலையும் , தாவரங்களையும் , வனவிலங்குகளையும் மற்றும் பொது மக்களையும் அதிக பாதிப்பிற்குள்ளாக்குகிறது. நெகிழியின் பயன்பாடு அதன்நீண்ட நாள் பயன்பாட்டிற்கு வழிவகுத்தாலும், அது எளிதில் மக்குவதில்லை.

நெகிழி மாசின் காரணங்கள்

நெகிழியினால் ஏற்படும் பிரச்சனைகள் வெறும் குடுவைகளை சுத்தம் செய்து மறுசுழற்சிக்கு பயன்படுத்துவதால் மட்டும் தீர்வாகாது. அது சூழ்நிலைக்கு ஏற்ப வடிவெடுக்கிறது.

பழமையான குப்பைசேகரிக்கும் கிடங்கு

நெகிழிகள் எல்லாஇடத்திலும் பரவலாக காணப்படுகிறது. வெறும் தண்ணீர் குடுவைகளும் மற்றும் பால் கொண்டு செல்ல பயன்படும்நெகிழி பைகள் கூட சிறிய அளவில் சூழல் மாறுபாட்டை ஏற்படுத்தக்கூடியவை. குப்பை கிடங்குகள் மற்றும் குப்பைகளால் ஆன நில மூடல்கள் பெரிய அளவில் வனவிலங்குகளுக்கும் , நிலத்திற்கும் மற்றும் நிலத்தடிநீருக்கும் பாதிப்பை ஏற்படுத்தக்கூடியவை.

அதிக பயன்பாடு

நெகிழிகள் சந்தைகளில் மலிவாக கிடைப்பதால் அவைஅதீத அளவுகளில் பயன்படுத்தப்படுகிறது. முறையாக அப்புறப்படுத்தாத நெகிழிகள் நிலத்தை மாசுபடுத்துவதும், எறியூட்டப்படும்போது காற்றை மாசுப்படுத்துவதும் நடைமுறை சிரமங்கள்.

மீன்பிடி வலைகள்

உலகெங்கும் மீனை உணவாக எடுத்துக் கொள்ளும் எண்ணிக்கை அதிகமாக உள்ளது. அதனால் மீன்பிடி தொழில் பரவலாக செய்யப்படும் பிரதான தொழில். மேற்படி தொழிலுக்கு நெகிழிகளால் ஆன வலைகளைப் பயன்படுத்துவது அதிகரித்துள்ளது. அதிக ஆண்டுகள் அவை உழைத்தாலும் அவைகளின் நச்சுத்தன்மையால் கடல்வாழ் உயிரினங்களுக்கும் மற்றும் கடல்சார் சூழலுக்கும் பெரும்பாதிப்பை ஏற்படுத்தும்.

நெகிழிகள் மற்றும் பிற குப்பைகளை அப்புறப்படுத்துதல்

நெகிழியின் ஆயுட்காலம் அதிக ஆண்டுகள் என்பதால் அவை மக்குவதற்கு நீண்ட காலம் ஆகிறது. அதனைமண்ணில் புதைத்தாலும் அதன் நச்சுத்தன்மை மாறுவதில்லை. அதேபோல் மறுசூழற்சி செய்தாலும் நச்சுத்தன்மை குறைவதில்லை.

காலநிலை மாற்றத்தின் தாக்கம் ஒரு ஆரம்ப பள்ளி சமூக ஆய்வுகள் பாடத்தின் ஒரு பகுதியாக நாம் படித்து தேர்ச்சி பெற்றிருக்கலாம். ஆனால், நாம் படித்த பெரும்பாலானவற்றைப் போலவே, குடிமக்களாகிய நம்முடைய தேர்வுகளை வழிநடத்துவதில் இந்த நெகிழி ஒழிப்பு  கொள்கைகளைப் பயன்படுத்தத் தவறுகிறோம். பெட்ரோ கெமிக்கல்ஸ் துறையின் முக்கிய தயாரிப்புகளில் ஒன்று.பிளாஸ்டிக் ஆகும். நாம் அனைவரும் ஏதோ ஒரு வகையில் பிளாஸ்டிக் துறையின் ஆதரவாளர்கள்.

பிளாஸ்டிக்கிற்கு ஏன் மாற்று வழிகள் தேவை என்றால் சுற்றுச்சூழல் மற்றும் வனத்துறை அமைச்சகத்தின் அறிக்கையின்படி, இந்தியாவில் ஒவ்வொரு நாளும் கிட்டத்தட்ட 15,000 டன் பிளாஸ்டிக் கழிவுகள் உருவாகின்றன. சராசரியாக, 9,000 டன் மட்டுமே சேகரிக்கப்பட்டு மறுசுழற்சி செய்யப்படுகிறது. சரியான முறையில் அகற்றப்படாத பிளாஸ்டிக், சந்தேகத்திற்கு இடமில்லாத விலங்குகள் மற்றும் கடல் உயிரினங்களின் தீவனத்தில் அதன் வழியைக் கண்டறிந்து, நமது வடிகால் அமைப்புகளை அடைத்து, நமது மண்ணின் செழுமையைக் குறைக்கிறது. மறுசுழற்சி செய்வதைப் பொறுத்தவரை, இது தற்போதைய நெருக்கடிக்கு ஒரு சிறந்த தீர்வு என்று சொல்லிவிட முடியாது,

இருப்பினும், சில வகையான பிளாஸ்டிக்குகளை கொண்டு செல்லவும் மறுசுழற்சி செய்யவும் தேவையான ஆற்றல் மற்றும் நிதி ஆதாரங்கள் அவற்றின் உற்பத்தி செலவுகளை விட மிகப் பெரியவை, இது மிகவும் நீடித்த தீர்வாக அமைகிறது. நாம் பயன்படுத்தும் பிளாஸ்டிக்குகளுக்கு மாற்றீடுகளை உருவாக்குவதே ஒரே தீர்வு. அதிர்ஷ்டவசமாக, இந்தியாவில் தொழில்முனைவோர் மற்றும் கண்டுபிடிப்பாளர்கள் ஏற்கனவே தீர்வுகளை வகுத்து வருகின்றனர்.அப்படி தீர்வு செய்பதவர்களில் சிலஅறியபட வேண்டிய மாற்றங்களை பார்க்கலாம்.

காய்கறி கழிவுகளை மறுசுழற்சி செய்தல்

             கட்டாரைச் சேர்ந்த என்.ஆர்.ஐ தொழில்முனைவோர் அஸ்வத் ஹெக்டே, மரவள்ளிக்கிழங்கு ஸ்டார்ச் துகள்கள், காய்கறி எண்ணெய் மற்றும் கழிவுகள் போன்ற இயற்கை பொருட்களிலிருந்து தயாரிக்கப்பட்ட பிளாஸ்டிக் பையை உருவாக்கியுள்ளார். இவரது நிறுவனமான என்விகிரீன் இந்த ஆண்டு பெங்களூருவில் தயாரிப்பு தொடங்க உள்ளது, இதில் மக்கும் குப்பை பைகள் தேவைக்கு ஏற்ப தயாரிக்கபடுகிறது. அஸ்வத்தின் கூற்றுப்படி, என்விகிரீன் ஷாப்பிங் பையின் சராசரி விலை ₹ 3 ஆகும், மேலும் இந்த பைகள் எதிர்காலத்தில் பேக்கேஜிங் துறையில் புரட்சியை ஏற்படுத்தும் என்று நம்புகிறார்.  

சணல் மீண்டும் எழுச்சி 

      சணல் மீண்டும் எழுச்சி 19 ஆம் நூற்றாண்டின் முற்பகுதியில் பிளாஸ்டிக் துறையால் ஒரு பிரச்சாரத்தை இடுகையிட்டு, சணல் மரிஜுவானாவுடன் இணைப்பதன் மூலம் இழிவுபடுத்தப்பட்டது (இரண்டும் கஞ்சா ஆலையிலிருந்து வந்தவை), இந்த பொருள் இப்போது உலகெங்கிலும் தீவிரமாக மீண்டும் வருகிறது. இந்தியாவில், இளம் தொழில்முனைவோர் குழுவால் அமைக்கப்பட்ட போஹெகோ, சணல் தயாரிப்புகளை தயாரித்து விற்பனை செய்கிறது, சிற்றுண்டி மற்றும் உடைகள் முதல் கட்டுமானம் மற்றும் உயிரி தொழில்நுட்பம் போன்ற தொழில்களுக்கான மூலப்பொருட்கள் வரை. சணல் பருத்தியை விட மூன்று மடங்கு வலிமையானது, மக்கும் மற்றும் மிகவும் நீடித்தது. 

பழைய கலாச்சார பயன்பாட்டுமுறை 

    மக்கும் பொருட்கள் வாழை இழை முதல் மூங்கில் வரை, இளம் தொழில்முனைவோர் இந்த செயற்கை அச்சுறுத்தலை நம்பியிருப்பதை அகற்றுவதற்காக பரிசோதனை செய்கிறார்கள். உதாரணமாக, ஷுன்யா மாற்று வழிகள், வெட்டுக்கருவிகள் மற்றும் வைக்கோல்களை (மீண்டும் பயன்படுத்தக்கூடியவை) செய்கின்றன, அதே நேரத்தில் சாதி வாழை செடியிலிருந்து மக்கும், அதிக உறிஞ்சக்கூடிய சுகாதார நாப்கின்களை உருவாக்குகபடுகிறது.

       நாம்  உண்ணக்கூடிய கட்லரி பிளாஸ்டிக் என்பது நச்சுத்தன்மையுள்ள மற்றும் புற்றுநோய்க்கான சாத்தியமான ரசாயனங்களால் ஆனது. பிளாஸ்டிக் கட்லரி உணவுக்காகப் பயன்படுத்தப்படும்போது, ​​இந்த இரசாயனங்கள் நுகர்பொருட்களில் கசிந்து உணவை மாசுபடுத்தும் வாய்ப்பு உள்ளது. நாராயண பீசபதியின் முயற்சியான பேக்கியும் ஜோவர், அரிசி மற்றும் கோதுமை மாவு ஆகியவற்றின் கலவையிலிருந்து உண்ணக்கூடிய கரண்டி தயாரிப்பதன் மூலம் இந்த சிக்கலை தீர்க்க முயற்சிக்கின்றனர். ஒரு குஜராத்தி மனிதர் கக்ராவின் ஒரு பகுதியை ஒரு கரண்டியால் இனிப்பு சாப்பிடுவதைப் பார்த்தபோது இந்த யோசனை அவரைத் தாக்கியது. பேக்கியின் சுவையான, இனிப்பு மற்றும் வெற்று கரண்டிகளை சாப்பிடலாம், அல்லது சிதைந்து விடலாம்,  

    புதுமைப்பித்தர்கள் பிளாஸ்டிக் பயன்பாட்டை பாரம்பரிய மற்றும் புதிய வயதுப் பொருட்களுக்கு மாற்றியமைக்கும்போது, ​​பிளாஸ்டிக் மற்றும் பிளாஸ்டிக் தயாரிப்புகளுக்கு மாற்றாக ஆதரவளிக்க நுகர்வோரின் மனநிலையை முறையாக மாற்ற வேண்டிய அவசியம் உள்ளது. உங்கள் தேர்வுகளை நீங்கள் பகுத்தறிவு செய்ய முடிந்தால், அவற்றைப் பின்பற்றுவது மற்றும் எதிர்காலத்தில் அதிக நனவான முடிவுகளை எடுப்பது எளிதாகிறது. நம்மை பொறுத்தவரை, எதிர்காலத்தில் நாம் கூட்டாக எதிர்கொள்ள வேண்டிய மிகப்பெரிய சவால்களில் காலநிலை மாற்றம் ஒன்றாகும், மேலும் இதன் மூலம் நம் வழியை நாம் புதுமைப்படுத்த முடியும்.